کاروار 27؍دسمبر (ایس او نیوز)آئندہ درپیش پارلیمانی انتخابات کے لئے الیکشن کمیشن کی جوتیاریاں چل رہی ہیں اس میں فہرست رائے دہندگان نظر ثانی کا کام مکمل ہوگیا ہے۔ معلوم ہوا ہے کہ ضلع شمالی کینرا کے 6اسمبلی حلقوں کی ووٹر لسٹ پر نظر ثانی کے بعد جملہ 14166کے نام مختلف وجوہات کی بنیاد پر فہرست سے خارج کیے گئے ہیں۔اس کے مقابلے میں اس فہرست میں 12052ووٹرس کا نیا اندراج ہوا ہے۔

معلوم ہوا ہے کہ فہرست سے خارج ہونے والے ناموں میں سب سے زیادہ تعداد کاروار اسمبلی حلقے کی ہے۔ یہاں 3533ووٹرس کے نام خارج ہوئے ہیں۔ بھٹکل اسمبلی حلقے میں 2964، کمٹہ 2333،سرسی 2259،ہلیال 1569اور یلاپور حلقے میں یہ تعداد 1508ہے۔ فہرست سے خارج ہونے والے ناموں میں مردوں کی تعداد 8152اور خواتین کی تعداد 5942ہے۔