جام نگر ،12 مارچ(ایس او نیوز؍آئی این ایس انڈیا) طویل عرصے سے جاری رہی قیاس آرائی اب ختم ہوگئی ،ہاردک پٹیل آج راہل گاندھی کی موجودگی میں کانگریس میں شامل ہوگئے ہیں۔ ایسی قیاس آرائی ہیں کہ کانگریس پارٹی انہیں گجرات کی جام نگر سیٹ سے انتخابی میدان میں اتار سکتی ہے۔ادھر کانگریس کی حکمت عملی دیکھ کرحکمران بی جے پی نے بھی جام نگر کی انتخابی جنگ میں ہاردک کے راستے میں جال بچھا دیا ہے۔ پٹیل نے آخر اپنا سیاسی کیریئر کانگریس جوائن کرکے شروع ہوتے ہی ختم کر لیا۔پٹیل، ستورا، اہیر، مسلم، دلت اور علاقائی اکثریتی والی اس سیٹ پر پٹیل کو گھیرنے کے لئے بی جے پی نے پوری تیاری کر لی ہے۔بی جے پی کی کوشش تمام ذاتوں سے ووٹ حاصل کرنا ہے۔سال 2017 کے اسمبلی انتخابات میں جام نگر کے 7 اسمبلی سیٹوں میں سے 4 پر کانگریس نے کامیابی حاصل کی تھی۔بی جے پی کو صرف 3 سیٹ سے اکتفا کرنا پڑا تھا۔اس شاندار کارکردگی کی وجہ سے کہا جا رہا ہے کہ پٹیل جام نگر سے الیکشن لڑ سکتے ہیں۔حالانکہ پٹیل یا کانگریس نے ابھی تک کوئی اعلان نہیں کیا ہے۔اس دوران پٹیل اور کانگریس پارٹی کو پیر کو جام نگر سے تگڑا جھٹکا لگا۔جام نگر دیہی سیٹ سے ممبر اسمبلی ولبھ دھارویا نے کانگریس کا ہاتھ چھوڑکر بی جے پی کا دامن تھام لیا۔دھارویا ستورا کمیونٹی سے آتے ہیں۔جام نگر لوک سبھا سیٹ پر اس کمیونٹی کے تقریبا ڈیڑھ لاکھ ووٹر ہیں۔ذات پات ریاضی کو اپنے حق میں کرنے کے لئے بی جے پی نے کچھ دن پہلے ہی جام نگر سے رکن اسمبلی دھرسنگھ جڈیجہ کو ریاست کی وجے روپانی حکومت میں وزیر بنا دیا۔جڈیجہ جام نگر کے ایک انتہائی متاثر کن علاقائی لیڈر ہیں۔