نئی دہلی، 23؍دسمبر (ایس او نیوز؍آئی این ایس انڈیا) علیحدگی کے لئے دائر درخواست دینے والے جوڑے کی طرف سے بچوں کی حفاظت کیلئے دائر 40-50 فیصد درخواستیں فرضی اوراشتعال انگیز ہیں جن کا مقصد بچوں کا مفاد نہیں ہے بلکہ کوئی پوشیدہ ایجنڈا ہوتاہے۔

ایک ڈسٹرکٹ جج نے اپنی کتاب میں بتایا ہے کہ علیحدگی کیلئے والدین کی طرف سے دائر ایسی درخواستوں کا بچوں کی ذہنی حالت پر بہت برا اثر پڑتا ہے، جس سے وہ گہرے صدمے میں پڑ جاتے ہیں اور انہیں سمجھ نہیں آتی ہے کہ انہیں کیا کرنا ہے۔ چیف ڈسٹرکٹ جج پونم اے بامبا نے اپنی کتاب ’والدین میں جنگ – ہندوستانی عدالتوں میں کسٹڈی لڑائی‘ میں بچوں کے تحفظ کے لئے قانونی لڑائیوں کی مثال دیتے ہوئے عدالت میں اپنے تجربات کے بارے میں لکھا ہے۔

خصوصی طور پردئے گئے ایک انٹرویو میں جج نے کہا کہ بچے کے تحفظ کے لئے دائر فرضی درخواستیں عدالتی نظام کے لئے بوجھ ہیں، ان کا بچوں پر منفی اثر پڑتا ہے اور ہر طرف سے وقت اور رقم ضائع ہوتی ہے۔انہوں نے کہا کہ ان کی کتاب ان بچوں کے مصائب کو دور کرنے کی کوشش کرتی ہے جن کے والدین اپنے حقوق کے تحفظ کے لئے قانونی جنگ لڑتے ہیں۔

جج بامبا نے کہاکہ لوگ طلاق کے بعد الگ ہوجاتے ہیں اور اس کے بعد بچوں کے تحفظ کے لئے لڑائی شروع ہوتی ہے، پھر یہ تیز اور شدت اختیار کرجاتی ہے، دونوں فریق چاہتے ہیں کہ بچہ ان کے ساتھ رہے۔ یہاں بچہ سب سے زیادہ غریب ہے۔ یہ چوراہے پر ہوتا ہے۔ والدین نادانستہ طور پر مستقل طور پر بچے کی زندگی خراب کردیتے ہیں۔ اس کتاب کو ایسے والدین کو ایسا پیغام دینے کے لئے لکھا گیا ہے کہ بچے کی دلچسپی سب سے اہم ہے۔